'Casamos!' volve este luns á TVG coa voda de Silvia e Jose, unha viguesa e un malagueño - CRTVG
'Casamos!' volve este luns á TVG coa voda de Silvia e Jose, unha viguesa e un malagueño
Despois de meses de relación a distancia, o seu casamento será unha celebración con amigos, moitas sorpresas e algunha ausencia importante
![](/documents/2915657/0/FOTOS_0016_Rec.jpg/6e814ccd-a952-e788-50fb-c2e81b03f64f?t=1720697917446)
Santiago, 15.07.2024.- Esta noite volve á TVG ‘Casamos!’ (22:50 h), o popular espazo dos medios públicos sobre historias reais de amor que acaban en voda e en que as cámaras recollen todos os preparativos da cerimonia.
Nesta ocasión, os espectadores coñecerán a Silvia e Jose, que comezaron a falar a distancia por redes sociais, xa que ela é de Vigo e el, de Málaga. Ela decidiu dar o paso e baixar a Málaga a velo, onde conectaron e se deron o seu primeiro bico.
Despois de meses de relación a distancia, el mudouse a Galicia e ao pouco xa lle pediu para casar. A súa voda será unha celebración con amigos, moitas sorpresas e algunha ausencia importante.