Catuxa Salom, Alejandra Pais e Miguel Carnero enfróntase hoxe a Laura Añón, Sabela Rey e Miguel Ángel Reimúndez nos 'Triángulos Máxicos' da TVG - CRTVG
Catuxa Salom, Alejandra Pais e Miguel Carnero enfróntase hoxe a Laura Añón, Sabela Rey e Miguel Ángel Reimúndez nos 'Triángulos Máxicos' da TVG
O trío gañador pasará á seguinte rolda da competición presentada por Trisha Fernández
Santiago, 22.01.2025.- A Televisión de Galicia ofrece esta noite a terceira gala de ‘Triángulos Máxicos’ (22:25 h), o concurso presentado por Trisha Fernández que enfronta casa semana tríos de cantantes profesionais e amateurs. O programa comezará hoxe cun repaso do acontecido o mércores pasado e lembrando que trío se clasificou para a seguinte rolda.
Nesta ocasión, competirán o trío formado polas cantantes profesionais Catuxa Salom e Alejandra Pais, da orquestra Los Satélites, e o afeccionado Miguel Carnero. O outro trío ‘triángulo’ será o conformado polo amateur Miguel Ángel Reimúndez e as profesionais Laura Añón e Sabela Rey.
Estes dous extraordinarios tríos terán que enfrontarse para ver quen pasa á seguinte rolda. A decisión estará nas mans do xurado integrado pola gaiteira Susana Seivane, o cantante Xisco Feijóo e o actor Will Shephard.