Éxitos como 'Terra', 'Everybody needs somebody' e 'Nochentera' soarán este domingo en 'Bailamos Celebrity' - CSAG
Éxitos como 'Terra', 'Everybody needs somebody' e 'Nochentera' soarán este domingo en 'Bailamos Celebrity'
Os 12 concursantes darano todo con coreografías rompedoras nesta nova e emocionante entrega do programa (22:40 h)
Santiago, 03.08.2025.- Os famosos darán o mellor de si na emocionante entrega deste domingo de ‘Bailamos Celebrity’, o programa presentado por Juan Fuentes, que conta no seu xurado co coreógrafo Fran Sieira, a artista drag Marisa Prisa e a actriz Silvana Sestelo.
Deste xeito, Eddy Insua interpretará con Miguel Canalejo ‘Terra’, de Tanxugueiras; Noelia Rodríguez e Noelia Rey darano todo ao ritmo de ‘Toxic’, de Britney Spears, e Miguel Mandayo e Fran Cañotas transfórmanse con ‘Uptown funk’, de Mark Ronson e Bruno Mars.
Ademais, ‘Everybody needs somebody’, de The Blues Brothers, amosará a mellor versión de Roi Méndez e Luís Iglesia, e, para espectáculo, o que darán Eva Iglesias e María Mera bailando xuntas. Finalmente, a Trisha Fernández e Sabela Silva tocaralles bailar un exitazo: ‘Nochentera’, de Vicco.