O expresidente do Deportivo Augusto César Lendoiro e o cantante Enrique Ramil pintarán a mona no 'Land Rober Tunai Show' deste xoves - CRTVG
O expresidente do Deportivo Augusto César Lendoiro e o cantante Enrique Ramil pintarán a mona no 'Land Rober Tunai Show' deste xoves
Na ficción, os espectadores descubrirán como nos afecta o cambio de hora
Santiago, 03.04.2025.- ‘Land Rober Tunai Show’ recibe este xoves (21:45 h) unha das figuras máis emblemáticas do panorama deportivo galego. Hoxe vén pintar a mona ao programa o expresidente do Deportivo da Coruña Augusto César Lendoiro, de cuxa traxectoria se fará un repaso.
Ao show unirase o compositor e cantante galego Enrique Ramil. Gañador da Gaviota a mellor intérprete internacional no Festival de Viña del Mar do ano pasado e participante en varios talent show musicais, descubrirá o talento galego nunha nova entrega de ‘Dando a nota’.
Na ficción, estará moi presente o cambio da hora, e os espectadores descubrirán como nos afecta. Todo isto, e moito máis, esta noite na Televisión de Galicia, co humor de Roberto Vilar, Eva Iglesias e Roi Méndez.