O programa 'Somos animais' estará hoxe cunha das mellores especialistas en cabalos do país - CSAG
O programa 'Somos animais' estará hoxe cunha das mellores especialistas en cabalos do país
Ademais, o experto do espazo da TVG terá que educar unha pastora alemá para que a tranquilidade volva á casa do seu dono
Santiago, 26.2.2026.- A Televisión de Galicia ofrecerá este xoves á noite unha nova entrega do reality ‘Somos Animais’ (22:40 h), que pretende ensinarlle á xente a solucionar os problemas cotiáns que se lles presentan coas súas mascotas.
O presentador de ‘Somos Animais’, Hugo Cabaleiro, estará hoxe con Irene, unha das mellores especialistas en cabalos do país. Con ela, os espectadores coñecerán a Pegaso, un exemplar que sufriu un cólico. Vaille intentar salvar a vida ao pobre animal, que estivo padecendo sen que os seus donos desen co seu mal.
Ademais, o programa viaxará a Oleiros, onde Jorge se vai atopar cunha peculiar parella que bota todo o día rifando coma se fora un matrimonio: Álex e Tessa. Esta é unha pastora alemá que o experto vai ter que educar para que a convivencia volva á súa casa.
