Sara, unha muller economicamente independente pero cunha forte dependencia emocional, está a sufrir en silencio os malos tratos físicos e psíquicos que o seu home, Daniel, profesor de universidade, lle está a inflixir acotío. A parella, de alto nivel socioeconómico, oculta unha realidade vergonzante, alimentada e agravada pola continua presión á que o maltratador, aspirante a unha cátedra universitaria, se ve á súa vez sometido.