Segunda temporada da serie, que partía dun tráxico accidente de tráfico en que morreron dúas persoas e que sacudiu a vida de tres familias de Abrente. Os protagonistas terán que facer fronte a terribles sospeitas e ansias de vinganza nesta nova temporada, en que as intrigas amorosas estarán máis vivas ca nunca. Con Mónica de baixa, David pode conseguir as gravacións das cámaras de seguridade de Porto de Abrente, en que aparecen as imaxes da agresión a Garay. Con todo, para el é moito máis importante facerse cos cartos da caixa forte da empresa. Mentres, Gaspar pon nas mans dun profesional a investigación sobre o pasado de David e da súa nai.