Programa gravado con cámaras 360, que utiliza a tecnoloxía para achegarlles aos espectadores o patrimonio natural e monumental de Galicia. Presentado por Estíbaliz Veiga, ‘Un país en 360’ descobre Galicia de forma inmersiva, porque o público está no centro da acción. A Ruta do Mar de Arousa é un itinerario marítimo que revive a ‘Translatio’, o traslado dos restos do Apóstolo desde Terra Santa ata Santiago. Nunha nova edición do programa ‘Un país en 360’, Estíbaliz Veiga vivirá o seu ‘bautismo de mar’ en Vilagarcía, onde aprenderá as técnicas para mergullarse nas profundidades da ría.