A FORTA elixe presidenta a Rosa Romà, presidenta da Corporació Catalá de Mitjans Audiovisuals

Santiago de Compostela, 10 de xullo de 2025.- A Federación de Organismos ou Entidades de Radio e Televisión (FORTA) anunciou este xoves o nomeamento de Rosa Romà i Monfà, presidenta da Corporació Catalá de Mitjans Audiovisuals - 3Cat, como nova presidenta pro tempore da Federación. Romà exercerá o cargo durante seis meses, ata xaneiro de 2026, de acordo con a quenda rotatoria establecida polos estatutos da organización.

    Rosa Romà sucede na presidencia a Juande Mellado, director xeral de RTVA - Radio Televisión de Andalucía, cuxa xestión, centrada na consolidación de iniciativas de transformación dixital e cooperación interterritorial entre as canles autonómicas, foi recoñecida positivamente pola Xunta Xeral de FORTA.

    “As radios e televisións públicas autonómicas compartimos a misión de reflictir a diversidade, a cultura e as linguas dos nosos territorios. O meu obxectivo é reforzar a nosa colaboración para acelerar a transformación dixital e a consolidación das cadeas como hubs de contidos multisoporte, impulsar a innovación e garantir un servizo público de calidade que nos conecte con todas as audiencias e combata a desinformación”, sinalou Rosa Romà tras a súa elección. Nada en Mollerussa, Lleida, en 1980, Rosa Romà é licenciada en Publicidade e Relacións Públicas pola Universitat Autònoma de Barcelona, Máster en Planificación Estratéxica da Comunicación pola Universitat Ramon Llull e Executive MBA por ESADE. Antes do seu actual cargo en 3Cat, dirixiu a área de Cidadanía e Innovación do Servei Català da Salut e exerceu responsabilidades de márketing e comunicación no Concello de Barcelona e o Hospital Vall d’Hebron.