A G2 ofrece este martes o documental 'Mulleres da raia', que recupera a memoria das mulleres que protagonizaron o contrabando e a emigración clandestina na fronteira galego-portuguesa

Santiago, 19.10.2026.-    Televisión de Galicia ofrece este martes pola segunda canle (22:35 h) a película documental ‘Mulleres da raia’, dirixida por Diana Gonçalves, coincidindo coa semana da inauguración da exposición ‘Transfroiteiriza’ no Museo do Pobo Galego, Ademais, a cinta quedará dispoñible na plataforma dixital dos medios públicos, AGalega.gal, desde o mércores.

‘Mulleres da raia’ é un documental pioneiro no audiovisual español e portugués que aborda a historia da fronteira desde unha perspectiva de xénero. Diana Gonçalves recupera a memoria das mulleres que protagonizaron o contrabando e a emigración clandestina aos dous lados da raia durante a posguerra e mediados do século XX. A través dos testemuños das protagonistas, o filme retrata a súa loita pola supervivencia e a das súas familias en tempos difíciles e narra como vivían do transporte de mercadorías e outros produtos na fronteira, afrontando os perigos e as dificultades da actividade.

O visionado da película completa a experiencia da expo-instalación de Diana Gonçalves ‘Transfronteiriza’ que o Museo do Pobo Galego inaugura o vindeiro xoves. A mostra xira sobre a información compartida no documental, emprega tamén máis material audiovisual e dálle continuidade á investigación sobre o territorio fronteirizo luso-galaico da directora, transformándoo nunha proposta expositiva que divulgará o noso patrimonio compartido, cruzándoo coa creatividade e a arte.