Os espectadores de 'Cos Pés na Terra' aprenderán hoxe a tornear e transformar as mazás en cousas sabedeiras - CSAG
Os espectadores de 'Cos Pés na Terra' aprenderán hoxe a tornear e transformar as mazás en cousas sabedeiras
O programa tamén ten unha cita cunha rapaza nova que decidiu emprender coa súa gran paixón: os cabalos e a equitación
Santiago, 12.04.2026.- Os espectadores de ‘Cos Pés na Terra’ (22:00 h) aprenderán hoxe a tornear da man de Aitor, un artesán criado en Bilbao e asentado en Galicia capaz de plasmar a súa imaxinación en pezas ben orixinais.
Ademais, no programa de hoxe verán como se poden transformar as mazás en cousas ben sabedeiras. Quen o vai facer é María, unha rapaza que decidiu apostar pola terra e aproveitar este froito para convertelo en sidra e en moitos outros manxares.
Finalmente, o espazo da TVG terá este luns unha cita para montar a cabalo na contorna de Foz con Teresa, unha rapaza nova que decidiu emprender coa súa gran paixón xa desde nena: os cabalos e a equitación.